Keyboard (යතුරු පුවරුව)

ආයුබෝවන් හැමෝටම. ඔයාලට මතක ඇති අපි කලින් පොස්ට් එකෙන් කතා කරා Monitor එක ගැන. අද අපි කතා කරන්නේ Keyboard  (යතුරු පුවරුව) එක ගැන විස්තර ටිකක්.

                                                 අක්ෂර, අංක, සංකේත සහ විධාන පරිගණක පද්ධතියට ආදානය කිරිම සදහා යතුරු පුවරුව යොදා ගනි. එමෙන්ම මෙය පරිගණකයට ප්‍රාථිමික දත්ත ඇතුලත් කිරිම (input) මෙන්ම විධාන ඇතුලත් කරන ප්‍රධාන උපාංගය ලෙස යතුරු පුවරුව හදුන්වන්න පුලුවන්. මේ යතුරු පුවරුව සාමාන්‍ය යතුරුලියනයේ (Typewriter) යතුරු පිහිටිමට සමාන ආකාරයට වන අතර මිට අමතරව අතිරේක වෙනත් යතුරු විවිධ වු කාර්යයන් සදහා යොදා ගෙන තියනවා. වර්තමානයේ විවිධ හැඩයේ සහ විශාලත්වයෙන් යුක්ත යතුරු පුවරු භාවිතයට ගන්නවා. ඒ වාගේ ම ඒවායේ වෙනස් ප්‍රමාණයෙන් අතිරේක යතුරු පවතිනවා.

                                                               යතුරු පුවරුව පද්ධති ඒකකයට (system unit) වයරයකින් (with a wire) හෝ වයරයක් රහිතව (wireless) සම්බන්ධ වේ. වයරයක් සහිත සම්බන්ධ විමේ දි DIN-5, PS/2 හෝ USB ආකාරයේ සම්බන්ධතාවයකින් සම්බන්ධ වේ.

 

Parts of a Keyboard

                        යතුරු පුවරුව සැකසි ඇති ආකාරය සහ එහි කොටස් ගැන විස්තර ටිකක් දැන් කතා කරමු. යතුරු පුවරුවක ඇති යතුරු ආකාර 04කින් යුක්ත වේ. ඒවා නම්,

1. ටයිප් කරන යතුරු (Typing keys)
2. අංකමය යතුරු පුවරුව (Numeric key pad)
3. ක්‍රියාකාරි යතුරු (Function keys)
4. පාලන යතුරු  (Control keys)

• පාඨ යතුරු ලියනය කිරිම සදහා ටයිප් කරන යතුරු (A........Z) භාවිතයට ගනි.
• ගණිතමය දත්ත ඇතුලත් කිරිම සදහා අංකමය යතුරු කොටස භාවිත කරයි.
• අංක සහ කාරක (operators) අඩංගු අංකමය යතුරු කොටස සාමාන්‍යයෙන් යතුරු 17කින් සමන්විතයි.
• ක්‍රියාකාරි යතුරු (F1-F12) මගින් පරිගණකයේ මෙහෙයුමි පද්ධතියට (operating) විධි විධාන පැවරිමට හැකි යි. මෙවා යතුරු පුවරුවේ ඉහළ කෙළවරේ එක පෙලට පිහිටා ඇත. නිදසුන් ලෙස F1 මගින් කළ හැකි වන්නේ යමි මෘදුකාංගයක help එක (උපකාරක සේවාවන්) ලබා ගැනිම සදහා භාවිතා කරයි. F2 මගින් යමි file එකක් හෝ fold එකක නම වෙනස් කිරිමට හැකි යි.
• පාලන යතුරු මගින් කර්සරය (curser) හා තිරයේ (screen) ඇති යමි යමි දේ පාලනය කිරිමට හැකි යි.

  අද අපි Keyboard එක ගැන විස්තර ටිකක් කතා කරා. අපි ඊලග පොස්ට් එකෙන් කතා කරමු  Mouse (මුසිකය) එක ගැන. එහෙනමි සුබ දවසක්.