ආයුබෝවන් සියලු දෙනාටම. අපි කලින් පොස්ට් එකෙන් කතා කරා පළමු පරම්පරාවේ පරිගණක ගැන. මං හිතනවා ඔයාලට මතක ඇති කියලා.
හොදයි අද අපි කතා කරමු දෙවන පරම්පරාවේ පරිගණක ගැන විස්තර ටිකක්. 1959 දි රික්ත නාල (Vaccum Tube) වෙනුවට Transister (ට්‍රාන්සිස්ටර්) භාවිතා කිරිම නිසා පරිගණක භාවිතා කරන විට තිබුණු නොයෙකුත් බාධක නැත්නමි අඩුපාඩු මේ නිසා මග හැරුණා. මෙය රික්තක නලයට සාපේක්ෂව ඉතා කුඩා නිසා දෙවන පරම්පරාවේ පරිගණකවල සැලකිය යුතු තරමේ ප්‍රමාණයේ කුඩා විමක් දකින්නට හැකි වුනා. මේ පරිගණකවල කාර්යක්ෂමතාවයේ ද සැලකිය යුතු වර්ධනයක් ඇති වුනා. තවද ට්‍රාන්සිස්ටර භාවිතය නිසා ශක්තිය පෙරට වඩා ඵලදායි ලෙස භාවිත කිරිමට හැකි වුනා. රික්ත නාල පාවිච්චි කිරිමේ දි යන්ත්‍ර තුළ සිදුවන අධික රත්විම වළක්වා ගැනිමට මේ ට්‍රාන්සිස්ටර කදිම විසදුමක් වුනා.
පළමු පරම්පරාවේ Magnetic drum වෙනුවට Magnetic core technology තාක්ෂණය භාවිතයෙන් පරිගණකයේ කාර්යයන් සදහා අවශ්‍ය උපදෙස් පළමු වරට මෙහිදි මතකයේ ගබඩා කර තබා ගත්තා. උසස් මට්ටමේ ක්‍රමලේඛන භාෂාවක් භාවිතය ද මේ පරම්පරාවේ දි ආරම්භ වුනා.
දැන් අපි බලමු මේ දෙවනි පරම්පරාවේ පරිගණකවල වාසි අවාසි ටිකක්.
දෙවන පරම්පරාවේ පරිගණකවල වාසි.
- පළමු පරිගණකවලට වඩා ප්‍රමාණයෙන් කුඩා විම.
- වඩා විශ්වාසදායක විම.
- ක්‍රියාකරවිමෙි දි වේගය වැඩි විම.
- ගණනය කිරිමෙි වේගය වැඩි විම.
- දෘඩාංග ක්‍රියා විරහිත විම අඩු විම.
- වාණිජමය කාර්යයන් සදහා වැඩිපුර භාවිතා කිරිම.
දෙවන පරම්පරාවේ පරිගණකවල අවාසි.
- වාසි සමිකරණ අත්‍යවශ්‍ය විම.
- නිරන්තර නඩත්තුව අත්‍යවශ්‍ය විම.
- වාණිජ නිෂ්පාදනය අසිරු විම හා වියදම අධික විම.
No comments:
Post a Comment